हे सात चित्रपट "बाप" या नात्याची ओळख करून देतात These seven films introduce the 'fatherhood' relationship

या सात मराठी चित्रपट असे आहेत जे माझ्या हृदयाच्या अगदी जवळ आहेत—विशेषतः ते चित्रपट जे पित्याच्या भूमिकेचे सौंदर्य आणि वडील-मुलाच्या नात्यातील गहिरे, न बोललेले बंध उत्कटतेने उलगडतात.  

हे चित्रपट केवळ कथा नसून, भावनिक प्रवास आहेत. ते एका पित्याच्या त्यागाची, संघर्षाची आणि अबोल प्रेमाची जाणीव करून देतात—तो ज्या प्रकारे शब्दांपेक्षा कृतीतून प्रेम व्यक्त करतो, त्याच्या मुलाच्या यशातला त्याचा निःशब्द अभिमान, गैरसमजांमुळे होणारी वेदना आणि न बोलता दिलेला पाठिंबा. मराठी चित्रपटसृष्टीने नेहमीच हे नाते मोठ्या प्रामाणिकपणे आणि खोलीने साकारले आहे, त्यामुळे हे चित्रपट केवळ पाहण्याचा अनुभव न राहता अंतर्मुख करणाऱ्या आठवणी होऊन जातात.  

मराठी सिनेमा नेहमीच भावना प्रकट करण्यावर भर देतो—तो दिखाव्यापेक्षा वास्तवाला महत्त्व देतो आणि अतिशयोक्तीपेक्षा सहजतेला प्राधान्य देतो. या चित्रपटांनी अनेक पिढ्यांमधील प्रेम आणि शिकवणी यांचे प्रतिबिंब दाखवले आहे. वडील नावाच्या भूमिकेचा गौरव करणारे हे चित्रपट प्रत्येकाने अनुभवायलाच हवेत.  

: प्राची रसाळ

माझ्या आवडत्या आणि शिफारस केलेल्या या सात चित्रपट 

१) "पित्रुऋण" Pitruroon हा नितीश भारद्वाज दिग्दर्शित २०१३ साली प्रदर्शित झालेला मराठी चित्रपट आहे. नितीश भारद्वाज यांचा दिग्दर्शनात पदार्पण केलेला हा पहिलाच चित्रपट आहे आणि तो सुधा मूर्ती (Sudha Murthy) यांच्या "ऋणा" या कन्नड कथेवर आधारित आहे. या चित्रपटात मुख्य भूमिकेत सुहास जोशी, सचिन खेडेकर, तनुजा, पुर्वी भावे वगैरे आहेत

२) "व्हेंटिलेटर" Ventilator हा २०१६ साली प्रदर्शित झालेला मराठी कॉमेडी ड्रामा चित्रपट आहे जो राजेश मापुसकर(Rajesh Mapuskar) लिखित आणि दिग्दर्शित आहे आणि प्रियांका चोप्रा (Priyanka Chopra) निर्मित आहे. चित्रपटात आशुतोष गोवारीकर, जितेंद्र जोशी, सुलभा आर्य आणि सुकन्या कुलकर्णी यांच्यासह १०० हून अधिक कलाकारांचा समावेश आहे. हे कामेरकर कुटुंबाची कथा सांगते, ज्यांचा सर्वात मोठा आणि सर्वात प्रिय सदस्य कोमात जातो आणि गणेश चतुर्थी उत्सवाच्या काही दिवस आधी त्याला वैद्यकीय व्हेंटिलेटरवर ठेवले जाते.

३) "बापजन्म" Baapjanma हे निपुण धर्माधिकारी दिग्दर्शित २०१७ मधील मराठी चित्रपट आहे.या चित्रपटाची कथा एका निवृत्त आणि विधुर गुप्तचर अधिकाऱ्याभोवती फिरते जो त्याच्या विवाहित मुलांपासून दुरावलेला असतो,यात मुख्य भूमिकेत सचिन खेडेकर पुष्कराज चिरपुटकर शर्वरी लोहोकरे सत्यजीत पटवर्धन आकाश खुराणा वगैरे आहेत

४) "बाबा" Baba हा मराठी चित्रपट २०१९ साली प्रदर्शित झालेला चित्रपट आहे,संजय दत्त (sanjay Datt),अशोक सुभेदार, आरती सुभेदार निर्मित या चित्रपटाची कथा रत्नागिरीच्या लहान गावात माधव आणि आनंदी हे मूकबधिर दाम्पत्य राहत असतात.या दाम्पत्याची आर्थिक परिस्थिती खूप बिकट असते. असे असूनही आपल्या लहान मुलाला (शंकर) आनंद मिळवून देण्यासाठी हे दोघे प्रयत्न करीत असतात.अचानक एक दिवशी पुण्यातील एक दाम्पत्य पल्लवी आणि राजन देशपांडे हे रत्‍नागिरीला येतात आणि शंकर आपला मुलगा असल्याचा दावा करतात.इथून याची कथा गुंफत जाते ,राज आर. गुप्ता दिग्दर्शित यात मुख्य भूमिकेत दीपक डोब्रीयाल,नंदिता पाटकर,आर्यन मेघजी,स्पृहा जोशी,अभिजीत खांडकेकर इतर कलाकार आहेत

५) "बापल्योक" Baaplyok हे मकरंद माने दिग्दर्शित २०२३ मधील मराठी कौटुंबिक चित्रपट आहे.विजय शिंदे यांच्या ९९ प्रॉडक्शन आणि बहुरूपी प्रॉडक्शन निर्मित या चित्रपटात विठ्ठल काळे यांच्यासोबत शशांक शेंडे, पायल जाधव आणि नीता शेंडे यांच्या प्रमुख भूमिका आहेत.

६) "ओले आले"Ole Aale हा २०२४ चा मराठी कॉमेडी ड्रामा रोड चित्रपट आहे जो विपुल मेहता यांनी लिहिलेला आणि दिग्दर्शित केला आहे आणि कोकोनट मोशन पिक्चर्सच्या बॅनरखाली रश्मिन मजिठिया यांनी निर्मित केला आहे. या चित्रपटात नाना पाटेकर (Nana Patekar)सिद्धार्थ चांदेकर , सायली संजीव आणि मकरंद अनासपुरे यांच्या भूमिका आहेत . हा चित्रपट गुजराती चित्रपट ' चाल जीवी लयये!' चा रिमेक आहे.

७) "जुना फर्निचर" Juna Furniture हा २०२४ चा मराठी चित्रपट आहे जो महेश मांजरेकर लिखित आणि दिग्दर्शित आहे,स्वतः मुख्य भूमिकेत आहेत. इतर कलाकारांमध्ये मेधा मांजरेकर , भूषण प्रधान , अनुषा दांडेकर , समीर धर्माधिकारी , सचिन खेडेकर आणि उपेंद्र लिमये यांच्या प्रमुख भूमिका आहेत. यतीन जाधव यांनी स्कायलिंक एंटरटेनमेंटच्या बॅनरखाली याची निर्मिती केली आहे.

All rights to the images used in this Website belong to copyright to their respective owners